Moses Olsen

Fra Spademanns Leksikon, den både frie og sande virkelighed

Skift til: Navigation, søg
'
MosesOlsen

Moses Olsen

Folketingip avataani danskinit toqukkumaneqarlunga taamanikkut aamma sioorasaartittarpunga, taama oqarpoq,
Moses Olsen'
, Radikaliniit ministeriunerusumik Hilmar Baunsgaardimik tunuartitseqataasoq, taaseqataanermigullu Jens Otto Kragimik 1971-imi ministeriuninngortitseqataasoq:

- Assorujussuaq saassutarineqarpunga, aamma danskit nalulluinnakkama ataasiakkaat tassuma kingornatigut ullut tamangajaasa allaffigisarpaannga, kalaallit Danmarkimi pissutsinut akuliuttussanngimmata, kalaallillu taamaalinngisaannarsimammata, sooq uanga aamma taamaaliuleriataarnersunga.

Qanoq ippa Folketingimi taasisoqartillugu oqimaaloqutaalluni?

- Nammineq piumasarinngilluinnakkamik Danmarkimi qinersinermi naligiimmik, talerperliit saamerliillu, pissutigalugu imatut inissitaaneq, kikkut naalakkersuisunngussappat, politikki suna ingerlanneqassava, eqqarsariallannartorujussuusimavoq. Kisianni tassa Danmarkip Inatsisaani Tunngaviusumi 1953-imeersuni allassimammat Kalaallit Nunaat naligiissitaalluni danskit naalagaaffiani, marlunnillu Folketingimi ilaasortaatitaqartoq, Folketingimi ilaasortatut allatuulli pisussaaffeqartitaalluni pisussaaffeqarlunilu, tassa taanna uanga atorniarlugu eqqarsarsimavunga, nalunngikkaluarlugu Folketingimi ilaasortat siulikka akuliunnaveersaaqqissaartuusimasut.

Taama oqarpoq Moses Olsen, 1971-imiit 73-imut Folketingemi Kalaallit Nunaata ilaasortaatitaa.

Personlige værktøjer